المقالات

فقراء في هور الأغنياء


 

فراس الجوراني

 

يسولفلي احد الاصدقاء يگول....
بالتسعينات.چنت اشتغل سايق سياره اجره .چنه مجموعه من السواق..واجه ويانه سايق غريب سيارته لاندكروز عريض 1982..گال انا اسمي (كريم )چنت اشتغل على خط الگرنه (القرنه)..گلناله اهلا بيك .
.وسيارته مميزه جميله ومكتوب بنهايتها على الجام (المنذوره)..
گلناله ألمن منذوره...
گال هاي قصه طويله..
گلناله احچيها ألنه..
گال چان عندي سياره لاندكروز 79 تعبانه..اشتغل بيها على خط گرنه - دير....
وبيوم من الايام وانا بالگراج شفت مره عجوز وعدهه (گونيه)..ولا واحد من السواق قبل يركبها وياه ، الكل يگلها ركبي بالسياره اللي بعدي..
ومن وصل السره الي..گالت يمه. ركبني وياك انا تأخرت..
گلتلها. شنو عندچ گالت هاي (الگونيه)..باوعتلها واذا بيها ما تنجرع من ريحتها العفنه..
گلتلها خاله ماگدر اركبچ وياي ..
گالت يمه فدوه اروح لنعالك صعدني وياك.. يگول( كريم) كسرت خاطري صعدتها وياي. وصعدت الگونيه فوگ على السله....
يگول مشينا وبالطريق نزلت كل ( عبريتي) بقت بس هيه..
گالت يمه تگدر توصلني بهذا الشارع الترابي بداخل الزور..
گلتلها ما أگدر.....
گالت ماگصرت يمه نزلني هنا ..
أوگفت اريد انزلهه..... كسرت خاطري..گلتلها خاله راح اوصلچ ركبي....مشينا بطريق گله طسات وترابي بمناطق هور مجففه..
گالت يمه وصلنا مدت أيدها انطتني ربع دينار أمشكك گالت يمه هاي كروتك ..
وگفت گالت بعد امك نزلي( الگونيه) يگول حبست نفسي من ريحتها ونزلتها للارض...باوعت وشفت 3 اولاد أزغار حفاي وهدومهم وسخه ومشككه اجو ركض عل( الگونيه)..
گالت العجوز اشكرك يمه تگدر تروح .گلتلها خاله أگدر اعرف شنو بالگونيه ..
گالت يمه اترجاك تروح..
گلتلها ﻻ ماروح حتى اشوف البيها ..
فتحتها وگاموا الاولاد الزغار...يطلعون منها طماطه وخيار اصفر وفواكه عفنه وذابله وطلعت (كرشة) خروف..واكل (كله معفن) ..ضلوا الزغار يأكلون من الخضره المعفنه ....وانا مامصدگ اللي جاي اشوفه ...
گتلها شنو هذا خاله ...
گالت ذوله اولاد بنتي الميته وابوهم انفقد بالهور ....
وكل الناس شالوا ﻷن الهور جففوا مايه..وانا بقيت هنا بهذا البويت الگصب. مثل ما انت شايف ...
گلت بيني وبين نفسي ...
والله ﻷقرضن الله قرضا.....
انا ما املك غير هاي السياره.....رحت من وگتها وبعت سيارتي ب750 الف..
گالت( ام حاتم )زوجتي ليش تبيع السياره ...؟؟؟
گلتلها اريد اشتري احدث منها....!!!
سكتت...!!!
اليوم الثاني رحت للسوگ واشتريت للعجوز كل ماتحتاجه وبنيت ألهم غرفه من البلوك وسياج وسگفتها وجبتلهم الطحين والتمن والدهن وكل اللي يحتاجونه من الاكل وكل مستلزمات البيت وگلت للعجوز انا بمثابة ابنچ اي شئ تحتاجين انا بخدمتچ وتحت امرچ انتي والزغار...
دعتلي العجوز بالخير وبقيت كل يومين امر عليهم اشوف احتياجاتهم..
وزوجتي ام حاتم كلت گلبي يوميه تسألني وين السياره وين السياره..وانا اگلها انشاءالله انشاءالله انقطعت عن العجوز فتره....
و بيوم من الايام رحت للكراج اسلم على اصدقائي السواق ..
رحبوا بيه وبعد السلام والسؤال عن الصحه والاحوال ...
گالوا اكو شخصين كل يوم يجون يسألون عنك واحنه محتارين مانعرف عنوانك وبثناء هذا الحچي ...
گالوا ذولهما أجوا ..
بعد السلام گالوا انت كريم ابو حاتم ... گلتلهم نعم...
گالوا اركب ويانه بسيارتنا ، ركبت وانا خايف..من عدهم ...
گالوا من وين تعرف العجوز واليتامى حتى تبيع سيارتك وباب رزقك...
گلتلهم ما اعرفها بس أتگطع گلبي من شفتها وهي تسحل گونية المزابل حتى توكل جهال بتها.....
گالوا منو سماك كريم...
گلتلهم والدي الله يرحمه گالوا صدگ من سماك كريم ....
گالوا تعال ويانه لمعرض السيارات واختار سياره اي سياره...
گلت ليش ....
گالوا..بدل سيارتك.....
گلت وانتم شنو علاقتكم بالموضوع...
گالوا أخذلك سياره واسكت.....
يگول اخذت السياره هاي اللي جاي تشوفونها بعينكم. وكملت كل اوراقها ورجعت البيت،
واول ماشافتني زوجتي ام حاتم بالسياره الجديده تفاجئت وما عرفت شنو تگول، بس شفت الضحكه على وجها وعيونها تصب دموع،
ومن يومها كتبت عليها المنذوره،
بس چان گلبي مامرتاح اريد اعرف سالفة الولد اللي اشترولي السياره منين وشنو علاقتهم بالعجوز،
لكن ربك مايگطع وحب يطمن گلبي ،
وبالصدفه وعن طريق زلمه خير يگول عرفت انو زوج بنت العجوز راجع لعمته واولاده ، وربك رازقه من اوسع ابوابه وذوله الجوني يشتغلون عنده، بس همه ماحبوا يذكرون اسمه گدامي وصيه منه ...

وگلت المال والملك لله سبحانه ومايضيع شي عند الله،
ياريت كلنه نباوع عل الفقير

اشترك في قناة وكالة انباء براثا على التلجرام
https://telegram.me/buratha
اضف تعليقك
الاسم والنص والتحقق من الروبوت ضروري
الاسعار الرسمية للعملات مقابل الدينار
دينار بحريني 3125
يورو 1315.79
الجنيه المصري 71.99
تومان ايراني 0.03
دينار اردني 1694.92
دينار كويتي 3846.15
ليرة لبنانية 0.79
ريال عماني 3125
ريال قطري 327.87
ريال سعودي 318.47
ليرة سورية 2.32
دولار امريكي 1190.48
ريال يمني 4.76
التعليقات
فاضل شنبه الزنكي : الله يحفظكم احنا عراقين خرجنا من العراق قبل الحرب العراقيه الإيرانيه وكنا في شركه النفط الوطنيه البصره ...
الموضوع :
وزارة المالية: استمرار استلام معاملات الفصل السياسي يومي السبت والجمعة
غسان نعمان يوسف : اعلان النتائج بتاريخ٢٠١٩/٨/٥ ولم تنشر الأسماء على الإنترنت ارجوا إعلامنا بالقبول أو الرفض ولكم جزيل الشكر ...
الموضوع :
شمول وجبات جديدة من السجناء السياسيين بالامتيازات خلال الاشهر المقبلة
وداد كاظم راضي الكعبي : السلام عليكم قدم زوجي طلبا اعاده للوظيفه او التقاعد بتاريخ٥ اغسطس ٢٠١٩. ولكوني ملتزمه بالعلاج من سرطان ...
الموضوع :
دائرة شؤون المواطنين في الأمانة العامة لمجلس الوزراء تستقبل شكاوى المواطنين عبر موقعها الإلكتروني
حيدر حسن جواد كاظم الربيعي : اني مواطن عراقي عراقي عراقي متزوج وعندي ثلاثة أطفال تخرجت من كليه العلوم قسم الفيزياء الجامعة المستنصريه ...
الموضوع :
دائرة شؤون المواطنين في الأمانة العامة لمجلس الوزراء تستقبل شكاوى المواطنين عبر موقعها الإلكتروني
بغداد : دعائنا للسيد عادل عبد المهدي بالتسديد لضرب هذه الاوكار وغيرها ممن تسببت للعراق بالتراجع ...
الموضوع :
اعتقال زعيم المخدرات والدعارة يثير جدلًا في العراق.. من هو حجي حمزة الشمري؟
حسين أسامة احمد جميل الحسيني : من الأخير الى سيادتكم اعرف بروحي مراح احصل على هذا الشي بس والله شگد الي غايه بيها ...
الموضوع :
جهاز المخابرات يشترط للتعيين فيه عدم الانتماء للاجهزة الامنية قبل 9 نيسان 2003.
كامل ابراهيم كاظم : السلام عليكم رجائن انقذونا حيث لاتوجد في محلتنا المذكوره اعلاه لاتجد اي كهرباء وطنيه لان محلتنا قرب ...
الموضوع :
قسم الشكاوى في كهرباء الرصافة يدعو المواطنين للاسهام في القضاء على الفساد الاداري
Karar Ahmed : ماهو اصل العراقين هل اصل العراقين من السومرين ام من الجزيره العربيه ...
الموضوع :
أول خريطة للتاريخ البشري في العالم: نصف الإيرانيين من أصول عربية والتونسيين من اصول أفريقية
ستار عزيز مجيد : بسم الله الرحمن الرحيم يتراود في الشارع بين الناس هناك منه زوجية 3600000 - 4600000 دينار وكل ...
الموضوع :
صرف منحة الـمتقاعدين على ثلاث دفعات للعسكريين والـمدنيين
فيسبوك