د. حسين القاصد ||
قبل ٦٠٠ ألف سنة صارت حرب بين البلد الحرام وبين البلدان الحلال.. وهذا البلد الحرام سالفته سالفة يضوج من كل شي حلال.. وكلشي عنده حرام ماعدا الذبح.. بس الذبح حلال.. ما علينا بالوادم..
هذا البلد الحرام عبارة عن صحراء ولحية وبول بعير وعواصف.. وحدة من عواصف البلد الحرام سموها عاصفة الحزم.. بس حزميش!! شبعو نعل يمنية يعني كل واحد انلطش ب (يمني) على راسه ورأس الخلفوه.. البلد الحرام يكره الفرح لذلك حارب البلد السعيد..
ويكره السلام لذلك حاول تدمير دار السلام.. ويكره العطر لذلك حارب بلاد الياسمين.. بس اكو جماعة يصيرون ولد عم معروف الرصافي الله يرحمه.. يشتغلون دفن وي البلد الحرام.. وتشوفهم يوم يقصفون لبنان ويوم يقصفون سورية ويوم يقصفون دار السلام بحجة الحشد.. المشكلة كلها تعلن كراهيته لاسرائيل بس بنفس الوقت تكول صوج إيران..
وإسرائيل ماتضرب إيران بس تمنع تدخل إيران بالبلدان العربية.. احتمال تعتبر هاي البلدان إقليم تابع لاسرائيل لو ولايات تابعة للبلد الحرام.. مع ذلك يخافون يقصفون إيران.. حايرين يدمرون البلدان اللي سوتهم اوادم.. جماعة معروف الرصافي من يقصفون سورية يتبنون الموضوع ويعلنون عن الضربة.. واهل (فسوة العجوز) العفو ( عاصفة الحزم) بعد ما شبعو ضرب باليمني.. حايرين بصناعة بطل قومي اسمه ابن سلمان..!! شو جنهه فشار.. ما علينا بالوادم ... يكول معروف الرصافي في مدح اولاد عمه :
ولسنا كما قال الألى يتهموننا
نعادي بني اسرائيل في السر والجهر
وكيف وهم اعمامنا واليهم
يمت بإسماعيل قدما بنو فهر
واني ارى العربي للعرب ينتمي
قريبا الى العبري يُنمى العبرِ
هما من ذوي القربى وفي لغتيهما
دليل على صدق القرابة في النجرِ
همزين هاي الأحداث مو بوكتنه.. جان اتهمنا الحشد مال كبل وصرنا بالجيوش الإلكترونية مال فروخ السفارة مال كبل.
ما ادري شنو آخر مئوية الدولة مال گبل ٦٠٠ ألف سنة ؟
ــــــــ
https://telegram.me/buratha
