( قصيدة شعريه للشاعر ابو احمد الحداد المسعودي )
سمعت انه الوطن مذبوح بديالى .. ؟
سمعت انه الوطن مذبوح بدياله
وقريت انه الخبر ملجوم
وخدودي حفر بدموع هماله
بعشرين الضحايه وعبرة تلاثين
ذبحوهم ذبح فاله ...
أونن بالقهر اهات بالديوان
وانه الكسرو ادلاله ..
جتلوهم رهان على السياسه
وباعو الوجدان الحثاله ..
غالتهم جماعه ملفلفه وبالعار
فكر حاقد خبيث الكال باقواله
ظنونه نسلم جفوف جزعانين
مايدرون أولاد العراق زنود أبطاله ؟
اذا مات النذل زرقاوي جل الخرفان
والمصري اللعين الجي وبداله ؟
حدنه اوياك يالمصري بحسم وبثار
أندفنك عدل مطمور بزباله ...
والشله الخبيثه وكل لقيط الجاي
من خلف الحدود عروك بطاله ..
نصبر عل القهر وياكم وكل حيف
متلثمين بلباس الوكاحه وعيب بجلاله
هذوله احنه العراق وكل شريف وياه
نكص جفوفكم بالسيف نزاله ..
واذا فجرتو بالشاجور كل امجان
تبقى ارواحنه تطوف العراق وزين برجاله
انحي الشجاعه الفاخرة أبطال
وكل طفل وشباب العاش بدياله
تمت ولله الحمد
هولنده
...........
https://telegram.me/buratha
