( للشاعر ابو احمد الحداد المسعودي )
للشاعر ابو احمد الحداد المسعودي
فرحان ونويت زيارتك يحسين عند الراس !
كصد القاهره لشانك يبو الغيره الشاطرة نوماس !
أحوم اعله المجان اسنين والعباس ... !
تظل قبلة شرف للدين ابو الاحرار
تاج الراس والاعجاز حب الناس !
مناره اتجاور التابوت بيه الراس ...!
وبيبان الصحن طلابه ليه الخلك
ممطوله دور الحرم هاي أجناس !
كهاوي ماتعرف كصده امحير اووسواس !
عازف ناي ,طبال ويدك غناي
جيران الملاهي تلعلع بأجراس !
كل هاي بجوارك يبن داحي الباب عند الراس !
ماتعرف كصده محير وخناس ... !؟
شوف وياي جارك من قريب يكابلك مقياس !
منارة علم وصفوف العمايم للبشر أقداس !!
تدرس بالفقه وكل امور الدين
تبديه الصلاة والصوم هو الساس !
جاوين الامر معروف وبتبيان
اركان العباده بكل وكت لباس ..!
بكيت محير ومذهول بيه عتاب
أشوف أمر الخليقه يواكح الأضراس !!
أرد أسأل أشوف الواقع الملموس
مكصود الملاهي الجاورت هل الراس!
تريد ضيوف وناسه طبل واجراس ؟؟؟
ليل نهار مسبيه بعزف والمطرب يدك الياس ! !
جاشنهو الحديث اعله الخشب مدكوك
يكول حسين سبط العتره والأقداس ؟!
جاوين الحجي ومزامط الكدعان
لسان كل مصري بفخر وأنفاس!!
جاوين القداسه اباحة الجامع ؟
جاوين المنارة تكبر المعروف للسامع ؟
جاوين الأزهر للجوار حقوق والشارع...!؟
شكايه المنارة وساحة الميدان يوم الدين تترافع !
دطلب جاه من رب الجلالة
وأهدي بالأرشاد هاي الناس !
يشفعلك كرامه وعهد .. ذاك الراس !
راس حسين بن حيدر أخو العباس.. !
تمت ولله الحمد
هولنده
https://telegram.me/buratha
