الدكتور رافد علاء الخزاعي
ان ابليس اللعين او مانطلق عليه الشيطان الرجيم قرر وبعد التبصر بامره ان يترك العراق ويهاجر بدون رجعة. وتناقلت الخبر المحطات الفضائية وانتشرت الاشاعة كالصاعقة في ارجاء العراق مخترقة دوائر القرار .وكانت الفضائية السباقة في نشر الخبر وبطريقة عاجل.....عاجل....قبل وقع الحدث ....قناة الشرقية الفضائية لانها لديها الحاسة السابعة او تعرف تخطيط ابليس اللعين قبل ان يفكر به مما أثار الخبر زعل الكثير...ووجهوا مستشاريهم الاعلاميين للاستفسار لماذا هذا القرار الخطير لابليس ان يهاجر ويتركهم اياتم لملائكة الخير ورجال الدين.فزعل بعض العراقيين وشكلوا وفدا رسميا لمقابلة ابليس وثنيه عن قراره اللعين .وخرج متظاهرون في ساحة التحرير رافعين شعارا خط بخط الرقعة وبالاحرف العريضة شعب العراق العظيم مشروع اطفاء نار جهنم اين تتركنا يا بليس ولمن تتركنا. فزعل العراقيين للخبر وراحوا يترجوه من كل المحافظات وقالو له : أرجوك لا تروح .... وين تلكي ناس مثلنا كذابين ومنافقين و صار عدنا القتل على الهوية والجار يذب تهديد لجاره ويهجره باسم الطائفية,والعلس عدنا هواية بورقة وحدة نبيع الاخ والصديق والرفيق, واستعملنا الدريل لزرف الدماغ وهو يردد الشهادتين , ونذبح البشر بالسيف والمذبوح يردد الشهادة والذباح يذبح ويصيح بسم الله واما الحوسمة سولف ولاتسكت فندعوا من ربنا كل يوم تسقط حكومة حتى نبوك رحلات المدراس واسرة المرضى ونزور شهادات وكلشي على هواك سوينا وعلى بطل العرق مظاهرات سوينا ولطمنا وبجيناوباعترافك علمناك اللي ماتعرفه واكو تلكى ناس احسن منا متلهفين متلهفين لنار جهنم؟؟؟ لان بكل صيف عدنا نعيش جهنم بدون ماء وكهرباء واذا ماكو المفخخات تحركنا على الحار والبارد
فقال لهم إبعدوا عني إنتوا ما تستاهلون !!! كل واحد منكم يجيني شحاذ وحافي ومو لاكي اكل .. ياكله وجان قميص ماعده وكاضيها بالتاتات مبهذل يومية والفلس حسره عليه....أعلمه وأخليه يبوك حتى يعيش برفاهيه عاليه.. ويغش حتى يتخرج بامتياز .. ويزور بالإنتخابات ويرشي حتى يكون عضو مجلس نواب أو رئيس .. وأول مايكعد عالكرسي أشوفه معلق وراه ... ( هذا من فضل ربي )هاي ميخالف قبلت بيها بس ينافسون عباد الله الصالحين وياخذون مكانهم بالحج وعلى نفقة الحكومة ويجون يرجموني بالحجار صايرة دايرة بشرفكم اكو واحد ابن اوادم يضرب صاحب فضل عليه بالحجار وهل المرة49 حجارة وبقوة ولمدة ثلاث ايام جان استيحتوا مو انتم لو تنضربون بالحجار طول العمر ماتنمحي ذنوبكملان مو سرقة فردية سرقة متوزعة على اثنين وثلاثين مليون طفل وشيخ وامرأة وارملة وحتى اجنة بعدها بظهوركم اي اوالله جان استحيتوا....
https://telegram.me/buratha
