محمد حسن الوائلي
يوميا يسمع كل واحد منا نحن العراقيون عبارات صابحت بمرور الزمن مألوفة في البيت والشارع ومكان العمل وفي اماكن الراحة والترويح عن النفس مثل الكازينوهات والمقاهي والحدائق والمتنزهات، ومن ثم على صفحات مواقع التواصل الاجتماعي وخصوصا الفيس بوك... ومن هذه العبارات.. شيخلصها والله ما ندري شلون تخلص ... عمي والله كله جذب(كذب).. لا اتصدك بأي شي يكولوا (يقولونه) السياسيين.. بعد ما تصير انكس(اسوأ) من هاي.. الله موجود ينتقم من الظالمين.. يكولون باجر اجتماع مهم لقادة الكتل السياسية؟.. يرد الاخر حتى لو يجتمعون مية مرة ما يصير شي.. العراق كله خير بس مايصير براس اهله خير بسبب ذوله اللازمين الحكم.. نفط ماكو مي ماكو كهرباء ماكو نظافة ماكو بس مفخخات اكو تفجيرات اكو ذبح اكو...سأل البعض استاذ جامعي متخصص بعلم النفس عن طبيعة وحقيقة هذه العبارات المتشائمة جدا .. وقد اراد ان يشرح ويتحدث بطريقة فلسفية ويسرد نظريات ويغوص في تفاصيل مملة، لكن احدهم قال له رحمة على والديك عوفنه من هذا الحجي (الكلام) المعقد وادخلنا بالمفيد واحجينا حجي عرب... فقال الاستاذ الجامعي ليش لا هسه احجيلكم حجي عرب واخصمه للشغلة.. فقال يابه مختصر مفيد هو البلد اللي يديرون امور سياسيين مثل الموجودين بالعراق شلون ما تظهر به كلمات وجمل وتعابير ما انزل الله بها من سلطان.. يابه الله يساعد الناس بالعراق اللي ما تسمع غير الوعود.. انبرى واحد من الذين وجهوا السؤال للاستاذ الجامعي وقال له استاذ شو انت جبتنا حجي اخر .. فرد عليه هو ليش اني مو هم عراقي وكلبي(قلبي) مورم (متورم) من سياسيينا وخصوصا اللي كاعدين على عرش السلطة...
https://telegram.me/buratha
