جهاد النقاش ||
١- عراقيون ينتظرون يوم الانتخابات بفارغ الصبر/ للاستفادة من لافتات المرشحين!
٢- ويكلك ماكو رجعة/ جا ذول الموتى الطلعتلهم بطاقات الناخب بالموصل والأنبار شنو!
٣- إذا انتم تقلدونه وتحبون الحَشد/ ليش هاجمتوه من رفض تضعيفه أو دمجه!
٤- طبيعي في ظل الحكومة الحالي أن يمنح الداعشي المحكوم بالإعدام حق التصويت/ ويمنع جنود السواتر!
٥- القوات الأمريكية تختبر سلاحا افتراضيا يحول جنود أعداءهم إلى مثليين/ لأن مقتنعين ماكو مثلي يحاربهم!
٦- إذا بيتك ركن لو محلك ع الشارع وترفض تعلق دعاية ناخب/ بيع وشيل تره يجونك بالتفك!
٧- واحد يوصل لابو كلل سالفة الأمريكان أصدقاء وحلفاء عوفها/ تره الحائري حرم انتخاب أصحاب هاي التوجهات!
٨- هم سمعتوا من حكومتنا، من مدوني قوى الدولة، نواشيط تشرين، الخوة النظيفة، أن عدم تسليم الإقليم لواردات المنافذ/ يخدش بالوطنية، أو يقدح بالسيادة!
٩- النائبة سروة عبد الواحد: الحزب الديموقراطي الكوردستاني يشتري منصب رئيس الجمهورية من الاتحاد ب 100 مليون دولار/ سامعين بفساد الكتل بعد الانتخابات أما الفساد قبلها هاي جديدة بس عد الاكراد!
١٠- بالسنه الأولى تأخرت الرواتب، وتعطلت المشاريع، وحتى رجل السيد السيستاني انكسرت، وبالثانية الدولار صعد، واحتركت المستشفيات، والمراجع موتت/ عمي استعجلوا بالانتخابات لا يصير بينا أبو خريان!
· سؤال الفنتازيا: اللي ما نكول إساميهم ، و من ليس له ذاكر، كلكم ناشطين بتشرين واستلمتوا مناصب بالحكومة شنو القدمتوه بالله غير المصور؟!
https://telegram.me/buratha
