( للشاعر ابو احمد المسعودي )
للشاعر ابو احمد المسعودي
سمعت البارحه التلفاز وبغداد
يركص والدبج وياه جوبيه !
شفت الكحله وياه الطقم بألوان
بخدود المذيعه التقره يوميه !
شككت بقناتي ولني موشايف
قناة جديده محسوبه عراقيه !
كلت انه العجيب بهل القناة شلون
قادته حبايب تحسن النيه...!
وبمكه شفتهم انه للشيطان من ينوون
يسبونه لعن يرمون عصريه.. !
دعيت الله الموفق وانه بالاحرام
أتوسل أكول مبارك الجيه...!!
وأذا فد نوب انه الفاكد المحبوب
أخويه المات بالأعدام ...بعثيه !
أحبك انه يالمسؤل وبغداد
واناشد لليحب أمي العراقيه !؟
حبينه القناة تكون عل المعروف
مو منكر تبث أفلام هنديه ...!؟
وندري أحنه الصحافه والنشر دورات
يحملون الحصانه وفكر حريه !
بس كلشي بأصوله حساب من يصير
يظل ذواق اليسمعه يشوف داويه !
وكل وجه العفيف الشايل الأيمان
من أهل العراق يريدكم خيه ..!
أذكرونه الوطن مذبوح عل التربان
بسيوف الوهابي أفكاره تيميه!
وذكرونه القتل وياكم وكل صوب
من مسجد براثا وكل حسينيه؟!
لاتنسون شعبي وكل شهيد اوياه
يتمنه القهر ,ثكلانه بالميه...!
تبقين الحبيبه وكل وكت نوماس
أذا غيرتي منهاجج كمال الناشر بضيه
وابقه انه الازامط بيج بالعنوان
معروف بثباته وزين بالصالحيه !!
تمت ولله الحمد
هولنده
https://telegram.me/buratha
