( بقلم : للشاعر ابو احمد الحداد المسعودي )
بدون عنوان
جريت القلم مبهور ارد اكتب
سلتني القوافي والشعر ينضب
جنيت بعروض كثار لو تحسب
مو واحد ولا ثنتين صرت اتعب
حكه تعزل الابيات زعلانه
ماينفع نظمه اليوم من تخطب
شو حال الوطن تعبان يوميه
ما يقبل ينام مجفن وينحب
باكو ضحكته ولبسونه بالاحزان
شوطونه بسياسه من الجذب تندب
والمسجد صبح مرهون بالناعي
يوميه ونين احكامه من يشجب
جم خطبه صلاةوفروضه الايمان
منسوخه بكليشه والاصل مرهب
صلينه الصلاه وهتفنه بالتلفاز
كال بن السياسه والعزف يطرب
سفروهم عوائل والشهود اعمام
خلفله عليكم والعدو يحلب
جا وين الشهامه وساسة الاحزاب
حقايبهم كراسي اليوم من تحسب
عونك يا عراق وصابر على الظيم
صدكانك فتايت كامت تخشب
تجر تتن العراق اليوم ودخن
وتبيع النفط دولار لمعزب
فوكاه بصلافه يواكح التاريخ
من يخدم شهوته لشعبه ما ينحب
بالفانوس كمنه نضوي والشمعات
ومانشرب زلال الماي من نعطش 000
بس همنه العراق شلون يترتب
زفينه التهاني لمجلس الاعيان
صفكنه بجفوف قلامه الترسب
وابواب الوزاره مشفره باسرار
يفتحه الوزير بقوته ويجهب
كمنه نباوع التقويم من يدور
تاريخه اجنده من الجذب ينهب
غلكت ابواب شعري ونامت الجلمات
تعبه الزمان الجان من يكتب
جريت القلم مبهور ارد اكتب
تمت ولله الحمد
https://telegram.me/buratha
