للشاعر ابو احمد الحداد المسعودي
زلزلت الجبل وتهاوه يبجي دموعإنهارت صخوره إتلاطمتفزعه !
مالحك يشيلك جفه من الكاع ...ويحضنك شموخ بسده وبدرعه !
متأخر وصلك ظل يدوّر عليك ...يلطم بالحزن بترابه غص كمعه !
بجه صبر الجبل وإتحسر إعله الناسمن شاف الحكيم أوصاله متكطعه !
راح يشوف دمه مخالط التربانوجداول نهرنه فروعه متشبعه !
ياكاع الوطنوأشلاء هذا وذاكمايخمد حزنكم تنشف الدمعه !؟
موتعبت نخلنه عثوكه يبسة بيه ...لاشوفت خضار إتمايزهبزرعه !
بكه عمر الصبر ناعور بينه يدور ...بإيمان الزلم يتعايش بركعه !
ميموت الصبر مفتاحه جذر عروكسباحه العراق , الزّود من ربعه !
يشد جفه بأمان إبساسة أهل الدين ...والمرجع ولايه ولازم إيتبعه !
وينفذ وصيته بنوده العرفان ...يعني ويه الشهيد إيجددالبيعه !
جم عام إنوكل ويانه عمره بظيم ...شفنه إحنه العراق إتحايله الأفعه !
بيبن جبريل يوميه الوطن ينباك ...بالفتوه الكفيله إصفاره إبلسعه !
تلكاهم ثياب إكصار متلثمينباللحيّه الخبيثه عكاربإمكبعّه !
اليوم الوطن محميته إنته تصير ...شد عزمك جسر بصراطه إلكشفعه !!
وتراب العراق بمسكه ينبع طيب ...يفوح إبثار يعلك للأمل شمعه !
كل عام برجب تاريخ ماننساه ...نكتبه إعله الجبين إنحفره ونرصعّه !
وإنحفظه بمجد عنوانه بالثورات ...والثوره الجبيره علومهإنرضعه !!
تمت ولله الحمد هولنده
https://telegram.me/buratha
