يلهيبي الحي ميّكبر الانسان
ولا عمر الصياح يحقق الغايه
حط جدك اكَبالي وجدي يحجي وياه
وراح نشوف ياهو اليرفع الرايه ؟
اشعندك انت كَلي من الاصل شتكون؟
حتى اتمس اصولي وتفخر بهايه !
آنه ابن الكتب اول حرف بالكون
بوكت جدك تغوغي بحلكَه الحايه !
بوكت اعمه كَلب وعيون يبن لهيب
آنه الشرّعت للناس القرايه
مابات اعله كَاعي المحتل وذليت
بالعشرين ألي الشاهود والرايه
ماعيّرك ولك مو انت كلك عار
يلمخلي خواتك راحن سبايه
باجر جم اصل عدّك تفاخر بيه ؟
كثرن والدواعش كَلبو الأيه
من ياعرب انت وصاحبت شيشان
قوقاز وترك وافغان م سايه ؟
ولو تشب عليك وضعت بين البين
مادام اعله بيتك طبّوا اهوايه ؟!
مو مثلك ولك ماراضي انه بهاي
شالتني الحميه ورايح عنايه
استرلك شرف يالماسترته بيوم
واطهّر بيت ابوك وثوب الولايه
ضحايانه التطيح بكَاعك شيردون ؟
غير تصون عرضك من الحيايه !
جنوبي آنه الاصل والفصل والتاريخ
واسكّت من يريد يشوه الثايه
...........
ملاحظة..المسخ طه اللهيبي تجاوز على ابناء العماره واصفهم بالهنود وبالطبع لافرق بين ابناء الجنوب العراقي والشتيمه واحده لذلك كان الرد من الناصريه وتاريخها بالطبع تاريخ لميسان وللعراق ككل.
الشاعر /عارف مأمون/الناصريه
https://telegram.me/buratha
