أبو أحمد الحداد المسعودي
شنهو الدار شنهو الصار خلانه الوَكتْ طشارْفد هَمنه الكراسي وهاي بلوانه !
مُو جنه حبايبْ ظيفنه إبكُلْ دارجنه إويَه السَلف فدْ زود مَلكانه
عَله مُود المَناصبْ كثرَة الأعذار بإثبات الوجود إنجذبْ إعلانه
ولاجنه كتبنه البارحَه الدستورفدْ مَركَبْ رسينه إبهمنه سَفانه
ولاجنه أمسنه إعلانه إبتذكاروالساسَه إبشعار الدنيَه تقرانه
ولاجنه قوائم جنه بيها أوزاروالحمل الجبير إنكَبُر إوذانه
كمنه إنباوكْ الأرقام نلعَبْ زارْياهو الي يفوز إنعينه بمجانه !
يعَمي الوَطنْ مُو أخرَسْ تظنه إيعيشْلابُد للزمَنْ يتشاهَد إلسانه
ولابُد للحَقيقه بجفها تكتبْ يُوميتندَم عَذولْ إتلوُمَه خُوانه
ترَه عُمر السياسَه إمدُولبَه إبأخطارلتأمن عُمُرها إبدينه خَوانَه !
سَرايرنه خفيَه إبصَفحَة الجبارْنتحاسَبْ عَليها الكُلْ عَمَلْ شانه
حاسبها بصفاتْ الذمَه والوجدانْوإنطيها بصلاتكْ رُوحْ عرفانه
كلحنه سُلالَة آدَم إبفد لوحْوالطينه الأصُلْ والباري سَوانه
لتعيش إبغفلْ وإتكول آنه فلانْوتعيف الأخوَه البيها مَلكانه
وَطنه الي حظنه إبصَبرَه كمنه إنعيشوإنشوف الغلَطْ ونكولْ عَدانه !
وَطنه الي رضعنه إبمايَه ريحَة هيلْوالبَسمَه إبأملها الشعَبْ غذانه
وَطنه وياوَطنه وياوَطنه بصُوت كلها إتصيحتسمعها الخليقه إتنام خدرانه
مَيفيدَكْ مُحافظ نائب ومَسؤلْمُو كلشي الكَراسي إبدنيَه خسرانه !
أبكَه إويَه المُواطنْ وَكلْ الجُوعانْوإزرَعْ بالوَطنْ والطاعَه غفرانه
كلحنه إبعَلمنه إملونين ألوانْأطياف ومذاهبْ شابحه ألوانه
لتصَدكْ يعيفكْ شعبَكْ إبهَلْ الحالْيحسمها إبعَداله إبصَفوَة إلسانه !
تمت ولله الحمدهولنده2009مقصيدتي الى مانراهُ اليوم من عجائب وغرائب للوعود ال.. ...!
https://telegram.me/buratha
