المقالات

عرب وين؟؟؟ و رغوده وين ؟؟؟


 

بهاء الخزعلي ||

 

الا وهني من ثبت على صدرة رغد صدام...

خذاها بالحلال وسنة التوحيد وكتابه

خذاها مبهم الغاية خذاها ما بلاه أعلام...

خذاها منفرد بطيب عروق الساس ونسابه

خذاها بنت ذاك الي رفع راس العرب بوسام...

خذاها مهرة تصهل وبنت حصان يغزابه

هاي أبيات من قصيدة الشاعر السعودي منصور الشيباني، من راح خطب رغد بنت صدام سنة 2007 ورتب وياها لقائين باليمن، و أعترض لأن تناقلت مواقع التواصل عقد القران، وكال خطبتها فقط ما عقدنا قران.

وهذا الكلام كله مذكور بموقع (دنيا الوطن) الألكتروني، مع أختلاف الرأي الي كان أغلبيته تدل على موافقتها مو الرفض، لكن السؤال المهم لماذا الشيباني أعترض على مسألة عقد القران؟

 لكن لم يعترض على موضوع الخطوبة، هنا السالفة يمكن بيها مصيدة العسل، وعبات الشيباني يمكن نفرشة (لطمبوره) عفوا لرغوده.

المهم خلي نسولف على المهره(رغد) بنت الحصان مثل ما وصفها خطيبها بالقصيدة، المهره مسويه لقاء تريد من خلاله تبين نفسها عدها كاريزما،  وتسوق للناس أنه زمن أبوها أفضل من الزمن الحالي!!!

والعراقي بزمن المقبور أبوها، كان أذا يملك سيارة داتسن كلها تدك بابه بالظروف الطارئة، ويعتبروه الغني مال المنطقة وبالوقت الحالي كل شارع عراقي تلكه بيه ٢٠ سيارة حديثة.....

وتقول أبوها ما كان يحب الدم!!!!

ما أعرف هاي المقابر الجماعية منو سواها حمورابي مثلا...

بس الي لفت أنتباهي جاوبت على واحد من الأسئلة بجملة(ما مسموحلي أجتهد أكثر)، وهنا نريد توضيح منو الي يسمحلها ومنو المسؤول عليها ومنو اليدعمها؟ الشيباني لو محمد أبن سلمان لو أثنينهم يدعمون.

المهم قناة العربية تريد تبين أنه اللقاء ما متفقين عليه، طلعت قبل اللقاء خلف الكواليس، رغد تقول للكادر أي شي يريحكم أني حاظرة!!!!

ومخلين مجموعة أسئلة كلها تجمل صورتها بيها أكثر من عمليات التجميل الي مسويتها، و سولفت بس على إيران و تدخلاتها وما سولفت على المفخخات والأنتحاريين السعوديين، وسولفت على العراق حامي البوابة الشرقية، ومن دخلوا الأمريكان أبوها باب الشرجي ما حماها وشرد أخو هدله.

وهاي السوالف مالتها ذكرتني بسالفه، هاي بيوم من الأيام أكو واحد حرامي باكله مطي (أجلكم الله) وراح يبيعه بالسوك، أجه راعي المطي وتعرف عليه وكضه، كله هذا المطي مالي منين جبته، الحرامي لوتي ما يثبتها عليه تدافع ويه الرجال وكله لا تتبله عليه هذا المطي مالي، المهم تدخلت الوادم والسالفة صار بيها حلفان، الحرامي جاب طين وملطخ المطي، كالوله أحلف هذا المطي مالك، كلهم قسما عظما هذا المطي مطينه، فسكت راعي المطي والحرامي أخذ المطي وباعه، هسه يا أخوان اذا طالبة قناة عراقية شريفة تسوي لقاء ويه المهر مدري طمبوره مدري المطيه، وتسألها أسأله واقعية عن جرائم أبوها، أعتقد السعودية راح يعارضون بكل صراحة، لأن صحيح رغد عراقية بس عمليات التجميل خليجية، وهم راح يطلعنا الشيباني لو أبن سلمان ويكول (هذا المطي مطينه).

و اذا المطي صار للسعودية خلي الشيباني ينام رغد، و سالفة نام رغد مو جديدة تره قديمة، يكولون صدام الله يلعنه، كان دائما يكول لبنته نام رغد، جان حاسبها عالزلم يمكن، مدري لأن شكلها ما بي أنوثة قبل التجميل، مدري من كثر هرمونات أبوها الي ماخذتها من عنده، ومكيفه وارثه هرمونات من أبوها، من هذا الشيباني وصفها بالقصيدة مهرة بنت حصان.

المهم نرد لسالفتنا هسه إيران عدها برنامج صاروخي متطور وبرنامج نووي، والصين و روسيا حلفائها بشكل صريح، و أمريكا جاي تدور وسيط حتى يرجعون للأتفاق النووي ويه إيران، ومحور المقاومة محور دولي وإسرائيل و إمريكا و ال سعود مرعوبين منه، واليمن بعشيرة حقق أنتصار عالسعودية وأمريكا تريد تصادر الأنتصار بسالفة أنهاء الحرب على اليمن، و بوسط كل هاي الأحداث الدولية جايه رغد و كم واحد يطبل لها بمواقع التواصل تريد تحكم العراق، وهي لحدود العراق تخاف توصل،

يا عمي عرب وين؟؟؟ و رغوده وين؟؟؟

اشترك في قناة وكالة انباء براثا على التلجرام
https://telegram.me/buratha
المقالات لا تعبر بالضرورة عن رأي الموقع
اضف تعليقك
الاسم والنص والتحقق من الروبوت ضروري
التعليقات
زيد مغير
2021-02-16
على اليوتيوب علق بعض البهايم لها ومجد بها وبالمقبوراخو هدلة . نصحتها وقلت لها لا تصدقي فقد سبق وأن هتف محبي أباك المجرم بالروح بالدم نفديك يا بطيحان ويوم دخل الامريكان اختفوا جميعا وتركوا جبان العرب فهرب إلى حفرة الجرذان فإن فكرت يا رغد يا ابنة الكيولية أن تدخلي العراق فسيكون مصيرك كمصير بطيحان الكيولي فانجبي وسكتي
الاسعار الرسمية للعملات مقابل الدينار
دينار بحريني 3846.15
يورو 1694.92
الجنيه المصري 92.94
تومان ايراني 0.03
دينار اردني 2040.82
دينار كويتي 4761.9
ليرة لبنانية 0.95
ريال عماني 3846.15
ريال قطري 401.61
ريال سعودي 389.11
ليرة سورية 1.16
دولار امريكي 1470.59
ريال يمني 5.83
التعليقات
مواطنة : مقال صياغته سلسة ومؤسف ماورد فيه ...
الموضوع :
وداعاً (كلية الزراعة /جامعة بغداد)
مواطن : والعبادي عنده وجه ويرشح .... ومشتت عنده وجه ويتأمر ..... وامريكا عدها وجه وتتقابح...... والابراهيمي عنده وجه ...
الموضوع :
فضيحة مدوية .... مصدر مطلع : تعيين مصطفى الكاظمي مديرا لجهاز المخابرات في زمن العبادي كان عبر وثيقة مزورة
رسول حسن نجم : اذا كان المقصود بالحشد هم متطوعي فتوى الجهاد التي اطلقها سماحة السيد السيستاني دام ظله الوارف فلم ...
الموضوع :
وجهة نظر..!
رسول حسن نجم : أحسنت ايها الاخ الكريم كيف لايكون كذلك وهو الامتداد الطبيعي للامامه في عصر الغيبه وهو المسدد من ...
الموضوع :
المرجعية..رصيد لن تنتهي صلاحيته مدى الأيام..!
قهر : وطبعا لولا العقلية الفذة للقائدلعام للقوات المسلحة لم يحصل الانجاز !!!! عليه ننتظر ٥ سنوات حتى نعرف ...
الموضوع :
الكشف عن تفاصيل تتعلق بالمسؤول عن تفجير الكرادة (صور)
رسول حسن نجم : اود توضيح النقاط التاليه: ١- لو قمنا باستطلاع للرأي لكل شيعي في العراق هل سمع بيان مكتب ...
الموضوع :
الشيخ جلال الدين الصغير : ما سبب ضعف الاقبال على الانتخابات على الرغم من الطاعة التي يبديها الناس لنصائح المرجعية الرشيدة؟
رسول حسن نجم : احسنت سيدنه فالمرجعيه اليوم والمتمثله بسماحة السيد السيستاني دام ظله هي قطب الرحى وهي الموجه لدفة السفينه ...
الموضوع :
لماذا الخوف من جند المرجعية
رسول حسن نجم : عندما عرض الاختلاف بين التأريخين في مولد نبي الرحمه صلى الله عليه واله امام السيد الخميني قدس ...
الموضوع :
الرسول محمد (ص) ولد يوم 12 ام 17 من ربيع الاول ؟!
رسول حسن نجم : في مثل هذه الحاله يتوجب على التيار الصدري التحالف مع الشيعه لكي لايضيعوا مكونهم بين باقي الكتل ...
الموضوع :
مصدر مطلع : التيار الصدري غص بما فعل اكثر ما انشرح به من نتائج الانتخابات التي جرت قبل ستة ايام
رسول حسن نجم : هذا هو ديدن البعثيين والوهابيين فهم يعولون على امريكا في القضاء على الشيعه وتنامي قدراتهم العسكريه لانهم ...
الموضوع :
بالفيديو .... هذا ما يفكر به اعدائنا لحل الحشد الشعبي
فيسبوك