انا الطالب علي جابر نعيمه من السماوة موظف في مجاري السماوة وطلعت ادرس في امريكا هندسة على حساب الدولة وهسه مديون لان مددت فصل دراسي واحد والدين 20 الف دولار وهسه القسم القانوني بمكتب رئيس الوزراء حجزوا رواتب الكغلاء والناس اشتكوا عليه بالمحكمة وانا راح انسجن .
وانا من طلعت للدراسة وقفت راتبي واعتقد انا الوحيد الي وقفت راتبي بالعراق بدائرتي كل الموظفيين الي طلعوا كانوا ياخذون راتبيين من البعثات ومن دواءرهم وخدمتي ما انحسبت لان المديرية ماكانت تستقطع توقفات تقاعدية فلهسة بالدرجة السابعة ومطلوب 20 الف دولار وعندي عائلتي 6 نفرات وحاولت عدة مرات اقنع اللجنه العليا بالتقسيط وما قبلوا وماعندي اي شي ابيعه واسدد الدوله فالمكتب القانوني لمكتب رئيس الوزراء راسليين لوزارتي يريدون تحجزون رواتب الكفلاء وهم ميه بالميه راح يشتكون عليه بالمحكمة ميه بالميه
وانا والله ماراح اسدد لو بعد 100 سنه وراح ابلغ القاضي والله يسجني لان انا الا ابيع اطفالي حتى اكدر اطلع جزء بسيط من الدين وراح ابطل من الدوله لان كرهت الحكومه وساعه السودة الي تورطت وطلعت ادرس بيها وعسها بحظه وبخته كلمن يصير السبب بسجني وتشريد عائلتي ماعدهم رحمه بقلوبهم على الاساس يطبقون القانون بدل مايسعون يحلون مشكله الطلب انا ادري كلامي مراح يقدم ولاياخر بس اسالكم بالله والي عندة اطفال منكم خلي يوصل الرساله لمكتب رئيس الوزراء القسم القانوني حتى يدخل .
والله ادمرت حياتي منيين اجيب فلوس ومنو الي يدايني بهل وكت الصعب ومنيين اغيش اطفالي الخمسة يعني انا سويت جريمه بحق نفسي وعاءلتي وناسي من طلعت اكمل دراسة والله مريض وسكري 400 من ساعة التبليغ لحجز رواتب الاجراء و الكفلاء راحو لهلي واهلي بلغوهم موجودة محاكم وروحوا اشتكوا وراح يرحون يشتكون وسلمت امري لله يمعوديين انا سرقت الدوله
لو انا طالب طلعت اكمل دراستي والله والله والله ماضيعت وكت بس اللغه جدا صعبة ووالفصل الاضافي اربع اشهر موبيدي والله الله يخليكم وصولوا الرساله لاي احد عنده تاثير بالقرار انطوني الحل شنو مالي بس انت الله يوفقك الحاله صعبه والسجن ذله وانا ماسرقت ولاقصرت حتى انسجن علما ان الكفلاء كفلوني بس من اجل العودة للوطن لاغير و قانون ديون الدولة مايشمل اجور الدراسة ويمكن تجزئه الدين
https://telegram.me/buratha
