شيء خطير تطرحه فضائية بغداد!

بقلم: الحر

ليش ومنو السبب ؟؟؟اول شي يابة السلام عليكم ورحمة الله وبركاتهُ ..ثاني شي اخوان اني ماادري اذا الموضوع الي رح اطرحة موضوع مكرر او لا ؟ اتمنى ميكون مكرر ,,خلي نبدي بسم الله .كلكم اتابعون قناة بغداد الفضائية نرجع للموضوع ..يابة يا قناة ( بغداد ) أريد أسأل سؤال ؟ ( هل أنتي قناة تتكلمين بأسم جميع العراقين أو بإسم فِئةَ مُعينة ؟ ) صراحة هذا السؤال ضروري لهذه الفضائية ....أخوان التاريخ سيكون شاهد وأكبر شاهد لهذا يجب أن نضع بصمتنا في هذهِ الايام أو الشهور أو السنين التي ستمر علينا بكل صعوبة وبكل شحة وبكل ألم ولا نعرف متى سينتهي الوضع المأساوي والدمار الذي حل في شعبنا ..أخوان كونو معي حكام وأرجو من عقولكم أن تتكلم ومن قلوبكم أن تشهد ومن ألسنتكم أن تنطق الحق بسم الله الرحمن الرحيم ( فإذا حكمتم بين الناس فأحكمو بالعدل ) صدق الله العلي العظيم ..هذه الفضائية ( بغداد ) تتكلم بطريقة غريبة طريقة جعلت مني أن التفت لشيئ غريب .. وغريب جداً جداً .. عندما تنفجر سيارة في مدينة الصدر ( الثورة سابقاً ) ويسقط من خلالها عدد كبير من الضحايا أو الشهداء تكتب القناة المذكورة ( بغداد ) على سبيل المثال ( سقط 200 قتيل اليوم في مدينة الثورة إثر إنفجار سيارة مفخخة ) وعندما تنفجر سيارة في مدينة الرمادي أو عبوة تنفجر في حي الجهاد يكتب من خلال المانشيت ( أُستشهد مواطنين أِثرَ إنفجار عبوة ناسفة كانت موضوعة على الطريق في مدينة حي الجهاد ) أخوان أرجو الانتباه أين الخلل ؟؟؟؟؟؟؟ولماذا هذا الاتجاه الطائفي ؟ لماذا هذه الحرب الاعلامية على ال.......... ؟؟ أين الضمير الوطني من كل هذا ؟؟؟ أين الاتجاه الديني من كل هذا ؟؟ إذا ما تأكد هذا الشيئ وانه شيئ اكيد طبعاً فأنه يدل على عدة أشياء أولها تكفير المذهب .. ثانيها .. تأكيد العمالة لهذا المذهب الى الدولة الفارسية ... ثالثها .. الاثارة الطائفية .. رابعها .. إلى أين يا قناة ( بغداد ) ويا قناة ( الزوراء ) ؟ إلى أين المسير ؟ إلى أين الهوى؟ والادهى من كل هذا أن قناة بغداد عندما يقتل شخص في أرض فلسطين المحتلة يكتب عنهُ ( أُستشهد فلسطيني أِثر غارة أسرائيلية ) ..ههههههههههههههههههه والله رح ادوخ .. لالالالالالالالا أصلاً اني دخت .. فعلاً والله شباب دخت ..بالله مو عيب علينا مو عيب لمن تجي قناة فضائية تتكلم باسم العراق تكتب هيجي ؟ يا اخي اذاً كولو أنتو تتكلمون بإسم فئة معينة ولا تكولون إحنا نتكلم بإسم العراق .. لا تخلون العالم تضحك عليكم .... أستغفر الله ياربي ..والله شي يحرك الدم يا شباب يعني ليش هالطائفية المفتعلة من قبل هيجي اعلام ؟ أني أعتب على الحكومة المنتخبة .. ليش متتخذ الاجراءات القانونية بحق هيجي قنوات طائفية ؟ طبعاً أني اسف اذا اكو ناس معجبين بهذه الفضائيات لكن اني جاي اتكلم عن شي ملموس من قبل هذه الفضائيات مو مجرد تهمة او كلمة اكولها حتى اكتبلي فد موضوع بهالمنتدى الرائع .. على فكرة شباب اني مو من طبعي ادخل نقاشات بالسياسة بس من اجيت لهذا المنتدى السياسي شفت بي فد شي والله من دون مجاملة جذبني الة كلش حبيت كل الموجودين بي حبيتهم على طبيعتهم وسجيتهم والله يا أخوان حبيتكم لانو عراقين مو لانو غير شي وحتى لو كنتو غير شي فهمين احبكم ورح ابقى احبكم .. لان انتو همين تحبون العراقين .. بس مع الاسف اكو ناس اجتي تريد هالشي وتريد تزرع الحقد والتفرقة من خلال الاعلام ومن خلال الشوارع ومن خلال الاغتيالاات ومن خلال كومة شغلات يا حبايب .. يعني ممكن واحد يكلي هسة الخلل وين ؟؟ أكيد أكو فد خلل لكن صدكوني مو بينا .. ولا حتى بيكم .. وتالي ....................................وتالي ............ يا عمي وين ننطي وجهنا ؟ وين نرووووووووووووووووووح ؟ وين وين ؟؟؟؟؟؟يعني لا شهيد تقبلون نكون ؟ لا عراقيين تقبلون نكون ؟ لا مسلمين تقبلون نكون ؟؟ متكولولي شنصير حتى نرضيكم لخاطر الله ؟ ؟؟ ؟؟ ؟؟ ؟؟ وبالاخير يا مشرفينا الاعزاء أتمنى منكم ما ينلغي الموضوع رجاء أخوي لأن أني ما جبت كلام من عندي وصفتة ولا خليت فد موضوع يضوج ناس وياذي ناس لان هذا الشي الكاعد يصير بفضائية بغداد ما اعتقد يرضي العراقيين مهما كانو ومهما يكونون وكل العراقين شرفاء حتى لو كان التفكير أو الرأي مخالف فهذا لا يمنع حبهم للوطن والتضحية من اجل الوطن وكل انسان يحب يضحي للوطن مثل ميريد انسان يحب يبني وطنة بدمة وانسان يحب يبني وطنة بقلمة وانسان يحب يبني وطنة بكتاب ألفة وانسان يحب يبني وطنة بدموعة هذا الانسان العراقي .. وكلنا عراقين على اختلاف الوانة واطيافنا واحنا مثل القوس قزح ما اجملنا وما احلانا ..أخوان أترككم وية الموضوع أو الردود وشكراً الكم حبايب ....